Elbasynyń «Sıfrlyq Qazaqstan» baǵdarlamasy aıasynda júzege asqan joba bilim sapasyn arttyrý, baqylaý jáne eki jaqty baılanys ornatýǵa baǵyttalǵan. Ata-analar balalarynyń oqý úlgerimin mektepke kelmeı-aq, elektondy kúndelik arqyly baqylaı alady. Saıtta budan ózge ádistemelik ádebıettermen qosa, túrli keńester men aqparattar júktelgen.
«Búginde elektrondy kúndelik júıesin qaladaǵy 57 mektep paıdalanady. Qalada 58 700 oqýshy bilim alsa, bul kórsetkish jalpy oqýshy sanynyń 83 paıyzyn quraıdy. Jyl sońyna deıin paıdalanýshylar sanyn 100 paıyzǵa jetkizemiz. Qaǵaz túrindegi jýrnaldy paıdalanbaý týraly mınıstrlikten arnaıy buıryq bekitilgen bolatyn. Elektrondy kúndelik arqyly ata-analar sabaq kestesin, ótkiziletin sharalar,ashyq sabaq týraly maǵlumatty bilip otyrady. Iаǵnı, bul ata-ana men muǵalim arasyndaǵy baılanysty ornatatyn júıe bolyp tabylady» - deıdi Atyraý qalasy ákiminiń orynbasary Meıirim Qalaýı.
Aıta keteıik, kundelik.kz júıesi 2016 jyldyń 1 qyrkúıeginde iske qosylǵan bolatyn.
